Laing sparmate nabun-og ni Pacquiao
CEBU, Philippines - Human makatilaw sa kumo ni Pacquiao ang undefeated nga si Glen Tapia, gisunod pagparang ni Freddie Roach ang giilang clone ni Antonio Margarito nga si Michael Medina, apan susama sa mga miaging sparmate ni Pacquiao, wala gihapon kini makaikyas sa kabangis sa Pinoy boxing icon.
Atol sa four-round sparring session ni Pacquiao niadtong Sabado didto sa Cooyesan Sports Complex sa Baguio City, gikaharung sa pound-for-pound king ang 6-footer nga si Medina kinsa sa katapusan nakaani ra gihapon og bun-og ug gisi sa iyang nawung.
“I gave him my best work. I tried to go forward and tried to fight like Margarito,” matud pa ni Medina. “But he was fast and strong.”
Mapasalamaton hinuon si Roach sa iyang nakita, tungod kay bisan pag anaa sila sa sayong bahin sa ilang training camp, hinay-hinay nang mihungaw ang abilidad ni Pacquiao batok sa mas tag-as nga boksidor sama ni Margarito kinsa maoy iyang sangkaon alang sa WBC junior middleweight title karong Nobiyembre 13 didto sa Dallas Cowboys Stadium.
“Reach advantage ni Margarito ay first concern…kailangan lang naka-focus paano counterin” matud pa sa reigning World Boxing Organization (WBO) welterweight champion.
Tungod sa gipakitang nindot nga kalambuan sa training ni Pacquiao, nakahukom si Roach nga minusan niya ang sparring sessions nga iyang gitagana ni Pacquiao, aron usab makapahuway ang lawas sa Pinoy boxing champion.
“You know last fight we had 160 rounds of sparring. We still have seven weeks here. I actually don’t want to get 160 rounds of sparring here. I don’t think he needs that anymore,” dugang pa ni Roach.
Si Pacquiao gitagaan nalang ni Roach og 100 sparring sessions nga hinay-hinayan niya og human dinhi sa Pilipinas ug didto sa Wild Card Gym diin nila tiwasun ang katapusang pagpangandam alang sa sangka batok ni Margarito. (BANATSPORTS)
- Latest
- Trending
