"Halloween Run" karong Oktubre 31

CEBU, Philippines - Human sa malampuson nilang 12K Run niadtong Marso, ang numero unong fitness gym sa Sugbu, ang Citigym mopasiugda og Half-Marathon Run nga pagauloha'g "Halloween Run" karong Oktubre 31.

Hinuon, ang mga runners nga dili pa andam modagan sa 21K, mahimong moapil sa 12K, 6K ug 3K categories.

Ang labing unang Citigym Run mirehistro og 1,800 runners, apan ang organizers maglaum nga mosaka pa kini     ngadto sa 2000.

"As of the latest count we already have 1,286 runners enlisted for the event," matud pa ni Anne Manubag, ang Citigym Fitness director atol sa press conference kagahapon didto sa Uno sa Waterfront Cebu City Hotel and Casino.

Agi'g pagsugat sa pagtimaan sa adlaw sa mga minatay, usa ka Halloween custome contest usab alang sa mga runners ang gilakip sa mga organizers, diin ang makadaog makadawat og ganti gikan sa mga sponsors.

Aron makompleto ang tema sa Halloween, si race director Joel Baring milakip usab sa Cebu Memorial Park nga usa sa mga rota sa lumba.

Kapin sa P40,000 ganting salapi, gift checks gikan sa Waterfront ug Newton running shoes gikan sa RUNNR ang giandam alang sa mga   mananaog sa matag dibisyon. Ang unang 500 finishers   makaangkon og specially-designed medals. 

 Gisugdan na ang registration diha sa Toby’s sa SM, ROX, Runnr ug Wellness Concepts sa Ayala Center-Cebu, Philippine Sports Commission (PSC) office sa Cebu City Sports Center ug sa Citigym. Tak-upon ang registration karong Oktubre 25.

Ang registration fee nagkantidad og P250 alang sa 12K, 6K ug 3K, samtang P400 alang sa 21K. Libre na niini ang singlet, snacks ug raffle coupon nga ripahon human sa lumba.  – BANAT NEWS