Yellow, Blue teams naka-eskapo

CEBU, Philippines - Parehong nag-aginod sa kadaugan ang Yellow ug Blue teams batok sa tagsa-tagsa nilang kaatbang sa nagpadayong aksiyon sa Thursday Club Inter-color basketball tournament diha sa Jugan gym sa Brgy. Jugan, Consolacion.

Ang Yellow team naka-ikyas bitbit ang 79-78 nga kadaugan batok sa White team, samtang ang Blue team midaog lang og dos puntos batok sa Red team sa iskor nga 71-69.

Gipangulohan ang Yellow ni Sasing pinaagi sa iyang 15 puntos, gisundan nilang Jubay ug Secretaria nga parehong miabuno og 12 puntos. Samtang ang White gipangulohan ni Ernie, kinsa mi-iskor sab og 15 puntos. Sila si Ganub ug Bagundol mitikdol sab og 12 puntos matag usa.

Sa laing bahin, si T. Pepito misansan og 25 puntos aron pangulohan ang Blue, samtang si Taborada nga mibugha og 16 puntos maoy topscorer sa pilderong Red team.

Ang Thursday Club Inter-color cagefest namugna luyo sa mga paningkamot sa ilang presidente Hon. Dadoy Ygot.

Puntos Matag Usa

Unang duwa:

YELLOW (79) - Sasing 15, Jubay 12, Secretaria 12, Mariñas 12, Luardo 7, D. Ygot 5, Laurito 4, Pepito 4

WHITE (78) - Ernie 15, Ganub 12, Bagundol 12, Ibones 8, Kho 8, Lagusay 8, Valle 7, Pepito 4, Dumadag 4

Ikaduhang duwa:

BLUE (71) - T. Pepito 25, Eco 11, B. Pepito 9,   Macopia 9 Nuena 8, Tajale 5, Gonzaga 4

RED (69) - Taborada 16, Pepito 10, Beduya 10, Rodrigo 9, Apas 8, Roldan 2, Pepito 2. – BANAT NEWS