Radaza Boys naka-eskapo

CEBU, Philippines - Naka-eskapo ang Radaza Boys bitbit ang 70-67 nga kadaugan batok sa Sunday Club sa LLBA Rollway Friendly Inter-club basketball tournament niadtong Martes sa gabii didto sa Opon gym, dakbayan sa Lapu-Lapu.

Si Lapu-Lapu City Councilor Harry Radaza ug Airbag Baguio parehong mikandos og 14 puntos aron pangulohan ang Radaza Boys, kinsa nakalingkawas sa kulbahinam nga duwa.

Ang naparot nga Sunday Club ni team owner Rolly Dela Pieza, kinsa mi-iskor og sayes puntos gipangulohan sab ni Ondo Casquejo, kinsa miratsada og 19 puntos. 

Puntos Matag Usa

RADAZA BOYS (70) - Radaza 14, Baguio 14, Valiente 8, Gonzaga 6, Bascon 6, Baguio 6, Baron 4, Lapoja 2, Malolot 2, Villanil 2

SUNDAY CLUB (67) - Casquejo 19, Llenes 8, Intud 7, Amores 7, Dela Pieza 6, Cortes 6, Sepe 4, Aparente 3, Palad 2, Pleños 2, Dignos 2. – BANAT NEWS