Aranas bayani sa Junior Webmasters

CEBU, Philippines - Giluwas ni John Raphael Aranas ang University of Cebu (UC) Junior Webmasters pinaagi sa iyang mahinungdanong drive batok sa Sacred Heart School-Ateneo de Cebu (SHS-AdC) Magis Eagles kagabii sa 10th Cebu Schools Athletic Foundation Inc. (CESAFI) basketball event diha sa Cebu Coliseum.

Ang Junior Webmasters, kinsa kanunay naggukod, mipanas sa 11 puntos nga alkanse sa sayong bahin ug padayong mirumbo sa batan-ong Magis Eagles, kansang kalinghod maoy hinungdan sa ilang pagkolapso sa nanghinapos sa duwa.

Namintinar sa Magis Eagles ang ilang 11 puntos nga labaw, ang katapusan sa iskor nga 39-28 sa sayong bahin sa third period. Nilabaw pa sila sa nahabiling 11 segundos sa split charities ni Bradley Bacaltos.

Sa himalatyong oras, si Aranas nimaneho sa bola paingon sa ilang frontcourt ug mihimo'g nindot nga lay-up sa nahabiling 2.9 segundos nga nakapahimo niyang bayani sa Junior Webmasters.

Si Aranas mikulit og 15 puntos alang sa Junior Webmasters, apan ang ilang sentro nga si Alvin Labolabo maoy topscorer sa UC sa iyang game-high 30 puntos.

Sila si Adamme Talisic ug Niko Nemeño, nakatabang sab og daog sa kadaugan nga nagkumboya og 15 puntos.

Ang point guard nga si Adven Jess Diputado miposa og 22 puntos alang sa nabuntog nga Magis Eagles.

Puntos Matag Usa

UC (65) - Labolabo 30, Aranas 15, Talisic 8, Nemeño 7, Yburan 5

SHS-Ateneo (64) - Diputado 22, Muller 12, Sing 8, Bacaltos 7, Ochea 6, Abbu 3, Asilum 3, Cadavis 2. – BANAT NEWS