CEC mibawos sa UV

CEBU, Philippines - Mibawos ang Cebu Eastern College (CEC) Dragons ngadto sa University of the Visayas (UV) Baby Lancers pinaagi sa pag-iskor og 95-89 nga kadaugan sa pagsugod sa semifinal round sa 10th Cebu Schools Athletic Foundation Inc. (CESAFI) basketball event kagabii diha sa Cebu Coliseum.

Ang Dragons nga unang napilde ngadto sa Baby Lancers, 76-81, nagkinahanglan na lang og usa ka daog aron moabante ngadto sa finals sa labing unang higayon sa kasaysayan sa tunghaan.

Atol ning pagsulat, ang topseed UV Green Lancers padayon pang nakighamag batok sa fourth-ranked Southwestern University (SWU) Cobras sa collegiate division.

Mao pa kini ang unang higayon nga ang Dragons mibuntog sa Baby Lancers ug ilang labing unang daog sa semifinal sa 10 na ka tuig sa CESAFI.

Si James Sumayang maoy nangulo pagpangataki sa Baby Lancers human iyang gituboy ang Dragons pinaagi sa pagbugwak og 22 puntos.

Ganado kaayo ang Dragons sa maong duwa diin mipabuhagay dayon sila og 7-0 run sa sayong bahin aron pagposte og 47-43 sa halftime.

Ang pilderong Baby Lancers gipangulohan nilang Vincent Mendoza ug Gerald Legarde kinsa nagkumboya og 47 puntos.

Puntos Matag Usa

CEC (95) - Sumayang 22, Zosa 17, Regidor 13, Montalvo 12, Villarias 11, Bauya 8, Sypongco 8, Olayon 4

UV (89) - Mendoza 26, Legarde 21, Aguirre 17, Flores 16, Suan 7, Dela Torre 2, Undaloc 2, Ilano 2, Nuñez 2. – BANAT NEWS