CEBU, Philippines – Bugtong tuyo sa defending champion Southwestern University (SWU) mao ang pag-okupar sa unang dapit sa women's division sa ilang pakigsangka batok sa University of San Carlos (USC) karong adlawa sa pagtapos sa elimination round sa Cebu Schools Athletic Foundation Inc. (CESAFI) volleyball event diha sa Aznar Coliseum.
Matawag kini nga gubat sa mga tang-an kay ang SWU ni coach Jordan Paca ug USC ni coach Norvie Labuga pulos wala mapilde sud sa upat ka duwa.
Sa men's division, ang University of Southern Philippines (USPF) tinguha alang sa five-game sweep sa dihang ilang batukan ang University of the Visayas (UV), samtang ang reigning titlist University of San Jose-Recoletos (USJ-R) makigsangka batok sa USC.
Sa lain pang mga duwa, ang Cebu Doctors' University makigtigi batok sa University of Cebu (UC) sa men ug women's division.
Ang crossover semis duwaon karong Septiyembre 28 diin ang mga mananaog magsangka sa kampiyonato karong Septiyembre 30. (BANATSPORTS)