Montecillo, Limpag nanghawod sa 2010 Press Freedom Run

CEBU, Philippines –  Gipakita sa mga media practitioners nga dili lang sila alistong mohatod og mga balita, apan lakip na usab sa lumba sa dagan dihang nipakita kini sa ilang kakusog atol sa gipahigayong Press Freedom Run 2010 kagahapon sa buntag diha sa Cebu Business Park.

Bisan og wala makasalmot ang defending champions nga sila si Sportswriters Association of Cebu (SAC) president John Pages ug ABS-CBN news anchor Atty. Haide Acuña, grabeng kompetisyon ang nasaksihan tali sa mga runners sa 5K division.

Si Jurlito Montecillo sa Wild FM maoy naghari sa 5K men’s class human niya gitapos ang dagan sa oras nga 21:30.05, gisundan ni Joefry Quiñones sa DYRF (23:20.88) ug Jovey Veloso sa Sunstar (24:38.36) alang sa ikaduha ug ikatulong dapit.

Sa women’s class, ang beteranang marathoner nga si Marlen Limpag sa Sunstar mao ang gikoronahang reyna nga mi-oras og 30:13.23, laing taga-Sunstar nga si Adreama Llerin mipahiluna sa ikaduhang dapit sa oras nga 31:07.65. Si Divine Ngujo sa The Freeman mi-okupar sa ikatulo nga dapit sa iyang oras nga 33:39.59.

Ang top three finishers sa 3K men’s open mao sila si Gabby Lariosa (14:03.36) sa Cebu Daily News ug William Rama (14:37.86) ug Ernesto Cabahug (14:.52.77) sa Sunstar.

Samtang sila si Laureen Mondenado (21:42.42) sa Sunstar , Vilma Andales (22:02.03) sa ABS-CBN, Hazel Toledano (22:40.96)

sa Sunstar maoy top three finishers sa women’s division. (BANATSPORTS)