M. Lhuillier vs. Alaska

CEBU, Philippines - Sugdan na sa M. Lhuillier Kwarta Padala-Cebu Niños ang ilang tahas pagsukod sa kalidad sa duha ka lig-ong koponan sa Philippine Basketball Association (PBA) diha sa University of San Carlos (USC)-main campus gym.

Karong adlawa, ang Cebu Niños ni team owner Michel Lhuillier ug multi-titled coach Raul 'Yayoy' Alcoseba moharong sa Alaska Aces ni coach Tim Cone ug PBA Finals MVP Cyrus Baguio sa alas-5 sa hapon.

Inig ka ugma, ang Tournament of the Philippines (TOP) champion Cebu Niños makigbatok sa Derby Ace Llamados nga pangulohan ni two-time MVP James Yap ug sa Sugbuanong si Roger Yap.

Ang pakigsangka sa Cebu Niños batok sa duha ka teams, agi'g pagpangandam sa posible nilang pagtikang ngadto sa PBA sunod season.

Ang Cebu Niños moparada nilang Stephen Padilla, Bruce Dacia, Marlon Basco, Ariel Mepaña, Abby Santos, Frank Nailon, Nat Cruz, Hafer Mondragon, Ian Saladaga, Mark Magsumbol, Mark Ababon, Froilan Baguion ug Warren Ybañez.

 Ang mga tiket mapalit sa tag-P100 sa general admission ug P200 alang sa ringside. – BANAT NEWS