Lady Falcons, Stags magpapatayan
MANILA, Philippines - Isang laro na lamang ang nalalabi para sa season na ito at ang huling larong ito ang magdedetermina kung sino sa dalawang nalalabing koponang naglalaban ang tatanghaling kampeon ng season-ending conference ng Shakey’s V-League Season 7 sa The Arena sa San Juan.
Magsasagupa sa huling pagkakataon ang San Sebastian College-Recoletos at ang Adamson University para pag-agawan ang pinaka-aasam na tropeo sa Game Three ng kanilang best-of-three titular showdown sa ganap na alas-4 ng hapon.
Sa unang dalawang laro, kinapitalisa ng bawat koponan ang kanilang mga lakas. Sumandig ang Adamson sa kanilang matinding depensa upang malimitahan ang mga key players ng Lady Stags sa Game One habang sinamantala naman ng San Sebastian ang kanilang bentahe sa opensa sa Game Two.
Naunang kinuha ng Lady Falcons ang series opener noong nakaraang Huwebes sa loob ng limang sets 25-13, 25-17, 30-32, 21-25, 15-13 upang umabante sa serye, 1-0.
Ngunit bumangon ang Lady Stags sa Game Two noong Linggo, 24-26, 25-23, 25-22, 25-20 para maipuwersa ang winner-take all game ngayong araw.
- Latest
- Trending
