CEBU, Philippines - Usa sa mga inilang fitness centers dinhi sa Sugbu -- ang Holiday Gym and Spa, mopahigayon og Run to the Max Series 3 karong Oktubre 10 diha sa Holiday Gym sa barangay Banilad, dakbayan sa Mandaue.
Uloha'g "Conquer the Hill, Capture the Flag," magsilbeng opening salvo sa ikalimang anibersaryo sa Holiday Gym and Spa.
"Lahi sa miaging duha ka edisyon, sakaon nga rota ang taakon sa mga top runners nga managan sa 16K division," matud pa ni Annie Neric, ang health supervisor sa Holiday ug sakop sa Team Reborn triathlon team atol sa press conference kagahapon diha sa Holiday Gym.
"There has been several events here which also has an uphill course, but you finish na uphill lang talaga, here, you have to go uphill and then go downhill again making it more challenging," matud ni kanhi RP Ironman Noy Jopson.
Hinuon, adunay 8K run alang sa mga dili kaayo kasugakod og tungason nga rota ug ingon man 4K run alang sa mga fun runners.
Mikompirmar sa ilang partisipasyon mao ang Milo Marathon king ug queen nga sila si Joebert Carolino ug Mary Joy Tabal ug ingon man si Mary Grace Delos Santos ug ang comebacking si Mendel Lopez.
Dul-an sa P50,000 ganting salapi ug medalya ang gitagana alang sa mga mananaog sa matag dibisyon
Niadtong buot mosalmot sa maong lumba, ang registration fee nagkantidad og P300 libre na ang singlet ug personalized race bib.
Ang registration gisugdan na diha sa Holiday Gym.