Duha taga-Cebu moduwa sa Malaysia
CEBU, Philippines - Ang mga Sugbuanong nga sila si Arthur Craig Pantino ug Christopher Encarnacion nakakuha'g kahigayonan nga morepresentar sa nasud sa tennis circuit sa Malaysia ning tuiga human maghari sa ilang tagsa-tagsa ka dibisyon sa bag-o lang natapos nga 2010 Milo Junior Tennis Cup National Championships didto sa Airforce City Tennis Club sa Mabalacat, Clark Pampanga.
Si Patino nidominar sa unisex 10-under, samtang si Encarnacion naghari sa boys' 12 division.
Gisugdan ni Pantino ang iyang kampanya uban ang 6-1, 6-1 nga kadaugan batok ni Norman Gaspar sa National Capital Region (NCR) ug gisundan pinaagi sa kulbahinam nga kadaugan batok ni Jericho Painagan sa Mindanao, 6-0, 7-5.
Usa sa fast-rising players sa Sugbu nga si Pantino mitak-op sa iyang kampanya pinaagi sa pagpilde ni Manuel Balce III, 6-0, 6-0.
Sa laing bahin, si Pantino mipukan ni Julian Dayrit sa Luzon, 26-, 6-1, 10-3 sa wala pa maka-eskapo batok ni Christian Fel Lopez sa Mindanao, 4-6, 6-2, 10-3.
Ang duha ka Sugbuanon makig-uban nilang Juaquim Samson ug Khrizelle Sampation sa NCR ug Alexie Santos sa Palawan sa internasyonal nga kompetisyon didto sa Malaysia nga gikatakdang sugdan sa nanghinapos nga bahin sa bulan sa Nobiyembre.
Si Samson nidominar sa boys' 14 class ug si Sampation nidominar sa girls' 14 class, samtang si Santos nidominar sa girls' 12. (BANATSPORTS)
- Latest
- Trending
