Mayweather inireklamo ng kasintahan

MANILA, Philippines - Las Vegas--Matapos pa­tutsadahan si Manny Pac­quiao, isang dating ka­sin­tahan naman ang sinasabing binugbog ni Floyd Mayweather, Jr.

Tumawag si Josie Harris sa Las Vegas Metropolitan Police upang iulat ang pana­nakit sa kanya ni Mayweather, ayon kay police spokesman Bill Cassell.

Sinabi ng spokesman na ginamot na ang 25-anyos na si Harris sa isang ospital para sa kanyang “minor in­juries”.

“At this point, Mr. Mayweather is a suspect in a domestic battery violence case, and we would very much like to speak with him,” wika ni Cassell sa Ame­rican six-time world boxing champion.

Idinagdag rin ni Cassell na ang mga sugat ni Harris, may tatlong anak kay Mayweather, ang siya nilang gagamitin bilang bahagi ng kanilang imbes­tigasyon.

Kamakailan lamang ay humingi ng patawad ang 33-anyos na si Mayweather sa 31-anyos na si Pacquiao kaugnay sa kanyang video clip na nagpapakita ng paghamak sa Filipino world seven-division titlist.

Huling lumaban si May­weather noong Mayo 1 kung saan niya tinalo si Sugar Shane Mosley via unanimous decision sa MGM Grand sa Las Vegas.

Ang uncle at trainer, ni Mayweather na si Roger Mayweather ay nahaharap rin sa isang criminal trial mula sa sinasabing panana­kit sa isang female boxer.