Mawin's Kitchen pabiling naghari sa liderato sa MKBC cagefest

CEBU, Philippines - Nasakmit sa Mawin’s Kitchen ang solong liderato human ilang gidaro ang Victor Village Residents Association (VVRA), 73-68 sa MKBC 2010 basketball tournament diha sa Vicente Sotto Memorial Gym sa barangay Punta Princesa, ning dakbayan.

Ang maong kadaugan naghatag sa Mawin’s Kitchen og 6-1 nga baraha.

Sa sayo pa, ang Fatima mipaluhod sa Kamikaze sa iskor nga 113-101, apan miagi pa kini og double overtime una nila makuha ang ilang ikaupat nga daog sulod sa unom ka duwa.

Sikit kaayo ang kinatibuk-ang upat ka kuwarter diin nagpuli-puli sila’g labaw ug nagtabla sa makadaghang higayon. Natapos ang regulasyon sa iskor, 77-all aron ihatod ang duwa ngadto sa unang overtime.

Sa dugang singko minutos, wala gihapo’y nagpa-alkanse tali sa duha ka team ug gitapos ang unang overtime sa iskor 91-all aron pagpugos og laing overtime.

Nanginit na ang Fatima sa second overtime ug milusad kini og 22-10 run aron hingpit nga masakmit ang kadaugan.

Sila si Shiela Gonzales ug Jack Echevarria maoy namuntos og maayo alang sa Fatima sa ilang 43 ug 31 puntos matag usa.

Sa laing bahin, si Jessie Pacana miposa og 26 puntos alang sa Kamikaze ug si Benjo Bantaya miamot og 18 puntos.

Si Mat Vallejo mihakot og 18 puntos aron pangulohan ang Mawin’s samtang sila si Sherwin Lequit ug Lemuel Paguntalan midugang og 15 puntos matag usa.

Sa laing duwa, ang Emilmich midaog sab batok sa Demolish, 57-55 pinaagi gihapon sa overtime. 

Puntos Matag Usa

Unang duwa:

Fatima (113) - Gonzales 43, Ecnhivarria 31, Demecillo 13, Taboada 4, Dingod 4, Pesana 4, R. Canencia 4, Iyana 3, Vinalon 2, C. Canencia 2, J. Canencia 2

Kamikaze (101) - J. Pacana 26, Bantaya 18, Tapayan 16, Virtudazo 11, Pelonio 10, G, Pacana 6, S, Pacana 4, Tojoy 4, Baric 2, Cuizon 2, A. Pacana 2

Ikaduhang duwa:

Mawin’s (73) - M. Vallejo 18, Lequit 15, Paguntalan 15, Canencia 10, Taborada 8, Cabahug 4, Sanding 3

VVRA (68) - Navarro 18, Villejo 18, Carungay 15, Quiroz 10, Sotes 4, Espina 3

Ikatulong duwa:

Emilmich (57) - V. Llenes 11, J. Llenes 10, Ilagan 8, Janala 6, Piliotas 6, Gendraule 5, Daugdaug 4, Iconas 4, Vinalon 3

Demolish (55) - Sabello 15, Empaces 13, Odever 9, Poblete 6, Nemeno 5, Lambvo 4, Cañete 3. – BANAT NEWS