Asi idineklarang Pinoy ng DOJ

MANILA, Philippines - Tuwang-tuwa ang pro cager na si Paul Asi Ta­u­lava sa desisyon ng Depart­ment of Justice (DOJ) na pi­nagtibay ang kanyang Filipino citizenship kasabay ng pagbabasura ng kasong falsification of public documents.

Inaprubahan ng DOJ decision sa I.S. No. 2005-118 noong May 7, 2010 ni Chief State Prosecutor Claro A. Arellano, na na­tang­gap ni Taulava nitong weekend.

Inirekomenda ni Senior Deputy State Prose­cutor Richard Anthony D. Fadullon ang approval ng de­sisyon na pinirmahan din nina Assistant State Prosecutor Ma. Cristina P. Rilloraza at Prosecutor III Lourdes R. Zapanta.

Sinabi ni Asi na kinokonsidera niyang tuldok na ito sa kontrobersiyang nag­bunga ng Senate inves­tigation noong 2003 sa ilang Filipino-Americans na naglalaro sa Philippine Basketball Association(PBA).

Bilang sentro sa PBA team na Powerade, hindi na­wala ang tiwala ni Taulava sa Philippine justice system.

Ilang beses na siyang lu­maro para sa Philippine teams sa international competitions.

Tulad ni Taulava na-clear din sa falsification case na isi­nampa ng National Bureau of Investigation (NBI) ang kan­yang inang si Pauline Ma­teaki, Sergio Madoranda at Yuri del Valle.

Ang reklamong perjury laban kay Pauline, Lydia Me­dici, Rolando Bersamin at Jonas Karl Perez, at ang kaso sa re­moval, concealment or des­truction of documents laban kay Del Valle ay ibinasura rin.