Kharoz mikatkat sa ikatulo sa FYA cagefest

CEBU, Philippines - Ang team Kharoz mipukan sa Park 'N Go Bakeshop, 94-83 aron mopahiluna sa ikatulong dapit sa 2nd F. Llamas Youth Association (FYA) basketball tournament diha sa Vicente Sotto Memorial Gym sa Brgy. Punta Princesa, ning siyudad.

Sa sayo pa, ang Heartfelt milansang sa una nilang daog sulod sa upat ka duwa dihang ilang gipilde ang Angelica sa iskor 103-92.

Sila si Martreb Arias ug Chrissar Llegunas maoy nangu sa Kharoz uban ang 21 ug 18 puntos matag usa ug nakig-uban sa Simpolang Barbekyuhan sa ikatulong dapit sa managsamang 3-2 win-loss records.

Ang 2-3 nga Park ‘N Go Bakeshop gipangulohan ni Dexter Caballero sa iyang game-high   33 puntos. 

Sa laing bahin, ang kanhi USJ-R Jaguar point guard nga si Giovanni Canceko mikadlit og 22 puntos alang sa Heartfelt, kinsa mikulit sa labing unang daog human sa upat ka duwa. Si Tata Laborte miamot og 19 puntos.

Sila si Kenneth Tabada ug Ranel Patalita maoy nangu sa Angelica nga nagkumboya og 59 puntos. Si Tabada miposa og 32 puntos, samtang si Patalita mipoga og   27 puntos.

Ang FYA gidumala ni tournament director Boogie Atillo ug Punta Princesa barangay councilor Ray Gabriel Salgado.

Puntos Matag Usa

Unang duwa:

Hearfelt (103) - G. Canceko 22, Laborte 19, Pardillada 17, Danding 10, Abella 10, Arreglo 5, Ponce 4, Anasco 4, Salinas 3, Boysillo 2, J. Canceko 2

Angelica (92) - Tabada 32, Patalita 27, Basalo 10, Garcia 9, Rama 6, Cuyme 5, Allison 2, Caparas 1

Ikaduhang duwa:

Kharoz (94) - Arias 21, Llegunas 19, Cabanday 17, Atuel 12, Dela Cerna 8, Dacayana 6, Trinidad 6, Macachor 5, Solon 2, Archie 2

Park ‘N Go (83) - Caballero 33, Rama 13, Reubal 12, Lopez 6, Tolentino 4, Lanojan 4, Villorden 3, Medalle 2. – BANAT NEWS