BSBA Lauro's Cup buksan karong Domingo sa Brgy. Buaya gym

CEBU, Philippines - Naghinam-hinam na ang mga teams nga mopakita'g aksiyon sa Buaya Senior Basketball Association (BSBA) Lauro's Cup nga buksan karong Domingo sa alas-7 sa buntag diha sa Brgy. Buaya gym, Lapu-Lapu City.

Mga teams nga mosalmot mao ang Lauro ni team owner Titing Soroño, 3-MRJ ni Renato Casinillo, Saymer ni Topher Sayson, Mat ni brgy. councilor Mat Casio, Crispin ni   brgy. councilor Crispin Casio, Capt. ni Dante Villaflor, Ado, Nene, Felix ni brgy. councilor Felix Casio ug ang Taste Well nilang team owners Billy Nadado ug Lanie Apa.

Sa naandan, usa ka parada ang ipahigayon nga salmotan sa mga partisipanteng koponan uban sa ilang tagsa-tagsa ka musa. Molamas sa opening ceremonies mao ang pagpili og best muse ug best in uniform.

Ang BSBA Lauro's Cup gisuportahan ni Lapu-Lapu City Councilor Harry Radaza, Brgy. Capt. Lauro Soroño, Hon. Mat Casio, Hon. Crispin Casio, Hon. Felix Casio, Atan Lara, Felix Godinez, Tata Tayo, Dennis Godinez, Titing Soroño ug sa D' House of Sports ni Billy Nadado. – BANAT NEWS