CEBU, Philippines - Wala mokompiyansa ang Convergys ug ilang gilubong ang Calltek, 65-52 aron moabante sa semifinals sa 6th Inter-BPO basketball tournament niadtong Sabado diha sa City Sports Club-Cebu gym sa Cebu Business Park.
Mikiat og maayo si Ronald Mabanto aron pangulohan ang Convergys pinaagi sa iyang 11 puntos, samtang sila si Ryan Garduque ug Lennart Goricho miabuno og otso puntos matag usa.
Ang managsuong Gellez nga sila si Jan Pierre ug Mark Louise mao sab ang nangu sa pilderong Calltek nga nagkumboya og 26 puntos. Si Jan Pierre miani og 14 puntos, samtang si Mark Louise mipupo og 12 puntos.
Sa laing duwa, sila si Omar Saycon ug Giovanni Villahermosa miugbok og 12 puntos matag usa alang sa Lexmark nga mipukan sa Qualfon sa iskor nga 68-64.
Si Jopher Regidor maoy topscorer sa Qualfon sa iyang game-high 24 puntos.
Puntos Matag Usa
Unang duwa:
Lexmark (68) - Saycon 12, Villahermosa 12, Pia 11, Morin 10, Bayot 8, Armamento 7, Agan 3, Talan 3, Obaob 2
Qualfon (64) - Regidor 24, Johnston 14, Andone 7, Ignacio 7, Caballero 4, Borgonia 3, Lequigan 2, Matuguina 2, Llesol 1
Ikaduhang duwa:
Convergys (65) - Mabanto 11, Garduque 8, Goricho 8, Ochate 6, Esteban 4, Huerte 4, Reyes A 4, Reyes K 4, Cuizon 3, Tapic 3, Contreras 2
Calltek (52) - Gellez 14, Gellez M 12, Magsanay 8, Gabuya 6, Martinez 6, Arroyo 4, Abellana 2. – BANAT NEWS