CCSC amateur boxing program misikad na
CEBU, Philippines - Opisyal na nga nasugdan ang amateur boxing program sa Cebu City Sports Commission (CCSC) ug padayonon kini ugma diha sa Brgy. Pahina San Nicolas.
Ang training bukas sa tanan matag Sabado gikan sa alas-2 hangtod sa alas-5 sa hapon sa nahisgutang barangay.
Si CCSC commissioner Lorenzo ‘Chao’ Sy ug brgy. capt. Antonio Caruzca midumala sa programa, samtang ang training gihimo sa Team Cebu City trainers ug boxers.
“It was a very touching experience to see many kids as young as 9 very eager to learn the boxing routine and techniques coached by our volunteer trainers from Team Cebu City Boxing. Many of the adults, teens and kids were barefoot,” matud pa ni CCSC chairman Edward Hayco.
Gidasig usab ang ubang mga barangay sa pag-host sa training program.
“It’s better to train in boxing and do positive activities than do petty crimes or drugs,” sumala pang Hayco.
Gawas niini, kinsa kadtong gustong mopanday og career sa boksing hatagan og panahon sa pagpakita sa iyang abilidad pinaagi sa inter-barangay boxing competitions.
Ang CCSC naglaraw sab nga motukod og training pool sa amateur boxers nga mao unya nga morepresentar sa siyudad sa nagkadaiyang events sa nagkalain-laing bahin sa nasud ug ingon man sa abroad. – BANAT NEWS
- Latest
- Trending
