CEBU, Philippines - Pabiling walay pilde ang Mawin’s Kitchen nilang team owners Sherwin Lequit ug Maia Adriatico sulod sa lima ka duwa sa nagpadayong MKBC basketball tournament human ilang gipukan ang Panthers, 64-57 diha sa Vicente Sotto Memorial gym sa Brgy. Punta Princesa.
Sila si Lemuel Paguntalan ug Lequit nagkumboya og 31 puntos aron pangulohan ang ilang koponan.
Sa laing duwa, ang Fatima cagers naka-ipsot sa Emilmich sa iskor nga 70-69 pinaagi sa buzzer-beating lay-up ni Jack Echivarria, kinsa mao sab ang nangulo sa kadaugan sa iyang 23 puntos.
Si Sheila Gonzales miamot og 21 puntos, gisundan ni Val Llenes nga adunay 18 puntos.
Sa laing bahin, ang Demolish team milubong sa VVRA sa iskor nga 75-49 alang sa ilang 2-3 nga baraha.
Puntos Matag Usa
Unang duwa:
Mawin’s (64) - Paguntalan 19, Lequit 12, Taborada 12, Sanding 7, Pineda 5, M. Vallejo 4, Cabahug 3, Avancena 2
Panthers (57) - G. Baclaan 13, A. Baclaan 12, J. Vallejo 12, D. Yray 8, N. Yray 4, R. Baclaan 4, Amat 2, S. Vallejo 2
Ikaduhang duwa:
Fatima (70) - Echivarria 23, Gonzales 21, L. Demecillo 8, Taboada 5, Licaros 4, A. Vinalon 3, Laborte 2, K. Canencia 2, J. Canencia 2
Emilmich (69) - V. Llenes 18, Janala 14, Vinalon 10, J. Llenes 10, Pliotas 8, Olpoc 4, Iconas 4, Daugdaug 1. – BANAT NEWS