Nodalo, Mendiola hari sa Talisay chessfest

CEBU, Philippines - Tinun-an sa Talisay National High School nga si Jared Ian Nodalo maoy misakmit sa bulawang medalya ug chessboard sa 13 year old and above category sa Talisay Kiddies Chessfest niadtong Domingo diha sa Tabunok Sports Complex, Talisay City.

Nalupigan sa iyang kalantip ang mga tinun-an sa Talisay Science High School nga sila si Jan Maravilla, 16-anyos ug John Dale Egona, 13-anyos nga mi-okupar sa ikaduha ug ikatulo nga mga dapit.

Sa 12 year old and under, si Karlugh A. Mendiola sa Cebu Institute of Technology-University (CIT-U) mipukan sa 11-anyos nga si Ivan John Campaner aron pagdaog sa bulawang medalya ug chessboard. Mipahiluna sa ikatulo si Mardion Panolin.

Ang torneyo maoy mitapos sa duha ka adlaw nga chess clinic diha sa Tabunok barangay hall.

Ang kalihukan nahimong posible pinaagi sa paningkamot ni chapter president Vicente Rabaya ug kaubanan uban sa suporta ni Tabunok Brgy. Capt. Maning Cabriana ug konsehales,    Chess Clinic and Tournament (CCaT) program sa Talisay City Chess Club.

Ang CCaT program namugna ug gipakaylap ngadto sa ubang kabarangayan sa dakbayan sa Talisay uban sa pag-abag sa tagsa-tagsa ka barangay captains ug SK chairmen.

Ang training ug tournament officials mao sila si Loreto Powao, kinsa maoy nipasiugda sa kalihukan ug kanhi CEPCA president ug training and tournament director sa CCaT program Manny Manzanares.