CEBU, Philippines - Naghinam-hinam na ang legendary boxing promoter Don King nga mupapirma og kontrata ni Floyd Mayweather Jr. aron mubarug isip bag-ong promoter alang sa plano niya sunod tuig nga idayun ang sangka ni Mayweather ug Manny Pacquiao.
"No one can generate money like I can. I never cease to amaze myself. I’m a people person and Mayweather and Pacquiao would be a people explosion. It’s the fight the people want to see and they will come from all over the world to see it," matud pa ni King.
Apan sa labing uwahi niyang pamahayag sa boxingscene.com, walay pagduha-duha nga gisangyaw ni King ang iyang panagna nga tumbahon sa undefeated nga si Mayweather ang seven-division world champion.
“They are the two best pound-for-pound fighters in the world but Mayweather will knock Pacquiao out. Pacquiao has two chances: slim and none. And Slim just left town,” dugang pa ni King.
Giklaro hinuon sa promoter nga daku siya og respeto ni Pacquiao, apan dili niya ikalimod nga mas nakapabor gyud si Mayweather kung abilidad ang hisgutan.
Si King uban ang kampo ni Mayweather, maghuwat sunod pa tuig, apan samtang magpaabot, himbisan una nila ang abilidad ni Pacquiao atol sa umaabot niining WBC junior middleweight title fight batok sa Mehikanong si Antonio Margarito karong Nobiyembre 13. (BANAT)