BSBA Lauro's Cup andam na

CEBU, Philippines - Nahan-ay na ang tanan alang sa Buaya Senior Basketball Association (BSBA) Lauro's Cup nga gikatakdang sugdan karong Agosto 29 diha sa Brgy. Buaya gym sa dakbayan sa Lapu-Lapu.

Napulo ka teams ang kompirmadong mosalmot sa maong torneyo.

Kini mao ang Lauro ni team owner Titing Soroño, 3-MRJ ni Renato Casinillo, Saymer ni Topher Sayson, Mat ni brgy. councilor Mat Casio, Crispin ni   brgy. councilor Crispin Casio, Capt. ni Dante Soroño, Ado, Nene, Felix ni brgy. councilor Felix Casio ug ang Taste Well nilang team owners Billy Nadado ug Lanie Apa.

Usa ka parada ang motimaan sa pagsugod sa kalihukan nga sugdan sa alas-9 sa buntag ug dayon isunod ang mubo nga programa.

Molamas sa opening ceremonies mao ang pagpili og best muse ug best in uniform.

Ang BSBA Lauro's Cup gisuportahan sab ni Atan Lara, Felix Godinez, Tata Tayo, Dennis Godinez, Titing Soroño ug sa D' House of Sports ni Judith Nadado. – BANAT NEWS