Knights, Blazers nakabawi sa kamalasan
MANILA, Philippines - Nagsalpak ang Knights ng season-high 11 three-points shots para makatabla ang Chiefs sa ikatlong puwesto.
Humugot si Jaypee Belencion ng anim na tres upang pangunahan ang malaking 88-65 panalo ng Letran College sa Emilio Aguinaldo College sa kanilang huling laro sa first round ng 86th NCAA men’s basketball tournament kahapon sa Arena sa San Juan City.
“Finally, he made the shots that he missed in our past few games,” wika ni Knights’ coach Louie Alas kay Belencion.
May 3-5 rekord ngayon ang Letran katulad ng Arellano University sa ilalim ng nagdedepensang San Sebastian College-Recoletos (7-0) at San Beda College (7-0), Mapua Institute of Technology (5-2) at Jose Rizal University (5-2) kasunod ang EAC (2-6), College of St. Benilde (2-6) at University of Perpetual Help-System Dalta (0-8).
Hindi nakalaro si starting guard Argel Mendoza para sa Generals dahil sa kanyang knee injury.
Sa ikalawang laro, tinalo ng Blazers ang Altas, 79-70, para pigilin ang kanilang six-game losing skid.
- Latest
- Trending
