CEBU, Philippines - Si kanhi University of San Jose-Recoletos (USJ-R) Baby Jaguars point guard Ernesto 'Baeng' Medalle Jr. mipabuto og lima ka triples sa third period ug dayon iyang giluwas ang Viking Haulers pinaagi sa iyang crucial free throws, 84-82 batok sa Park ‘N Go Bakeshop sa nagpadayong F. Llamas Youth Association (FYA) 2nd season basketball tournament diha sa Vicente Sotto Memorial Gym sa Brgy. Punta Princesa.
Sa laing duwa, ang Lauron & Rolly mipukan sa Heartfelt sa iskor nga 84-78.
Si Medalle mibahog og 37 puntos ug nagsawo karon sa liderato uban sa Simpolang Barbecue Haus sa managsamang 2-0 records.
Si Eman Reubal adunay 15 puntos alang sa Park 'N Go nga nakatilaw sa ilang ikaduhang sunod-sunod nga kapildihan.
Sa laing duwa, si Royce Sonsona miposte og 19 puntos alang sa Lauron & Rolly, samtang sila si Bornong Endrina miabuno og 17 puntos alang sa ilang 1-1 nga baraha.
Si Tata Laborte maoy nangu sa pilderong Heartfelt pinaagi sa iyang 23 puntos. (BANATSPORTS)