5th Keiz BJ Motors Anniversary: Invitational Motocross sa Caduawan

CEBU, Philippines - Lain na sab nga kulbahinam nga aksiyon ang masaksihan sa mga molupyo sa Tabogon pinaagi sa 5th Keiz BJ Motors Anniversary Invitational Motocross karong Domingo didto sa Caduawan, Tabogon, Cebu.

Ang Rider of the Year sa 2008 MS Motosuit Motocross Series nga si Siegfred M. Ornopia, ang tag-iya sa Keiz BJ Motors mao mismo nangusog aron mapahigayon ang maong kalihukan.

Aduna kini upat ka kategoriya -- expert/pro open, intermediate, novice ug beginners.

Mga banggiitang riders gikan sa Visayas ug Mindanao ang gilaumang mopakita'g aksiyon sa maong lumba.

Kini naglakip ni Erwin Uypitching sa Dumaguete City, Kimboy Pineda sa Lanao ug Burnok Mangosong sa Davao.

Usa kini ka pamaagi sa magtiayong Siegfred ug Ellen Ornopia sa pagpa-ambit sa ilang mga grasya nga nadawat.

Ang 5th Keiz BJ Motors Anniversary Invitational Motocross, gisuportahan sab sa Sunriser Manufacturing Corp., Hon. Zigfred Povadora Duterte, Mayor Celestino Martinez ug konsehal Alicia Mangubat.

Karong Domingo, padayonon sab ang aksiyon sa Wanggits & Habal-Habal Showdown dihang usa lang ka heat ang napahigayon niadtong miaging semana tungod sa kusog nga bunok sa uw an.

Ang lumba adunay siyam ka kategoriya -- habal-habal, wanggits, executive A ug B, mini, peewee, beginners selection, beginners open production ug ang open enduro. (BANAT NEWS)