Jumalon miposa'g 12 ka tres

CEBU, Philippines – Kanhi tirador sa SIT Skyblazers nga si Reyland Jumalon mituhog og 12 ka three-pointers alang sa iyang 37 puntos, samtang si kanhi UV Lancer Rene Toring miabuno og 31 puntos dihang ang Brgy. San Nicolas mikastigo sa Pardo, 110-98 sa Conor Cup Invitational basketball tournament didto sa Mambaling Sports Complex, ning siyudad.

Sa sayo pa, ang Brgy. Guadalupe misandig sa ilang beterano nga si Michael Almonte aron mabuntog ang Inayawan, 93-87.

Si Jumalon milunod og upat ka sunod-sunod nga triples sa unang kuwarter diin siya mi-iskor og 14 puntos ug gipatilaw niya ang San Nicolas sa labing unang labaw, 27-26.

Nagpadayon ang iyang kainit niadtong higayona ug maoy naghatag sa San Nicolas sa labing dakung labaw ngadto sa 20 puntos sa katapusang tres minutos sa third period, 85-65.

 Ang Pardo nga adunay 1-3 win-loss record, gipangulohan ni ex-Lancer Vergel Abelong pinaagi sa iyang 28 puntos.

Sa iyang bahin, si   Wilson Gabucan mikamada og 20 puntos, samtang sila si Almonte ug laing commercial veteran Alex Cainglet parehong miamot og 17 puntos aron pangulohan ang Guadalupe.

Ang ex-CIT Wildcat nga si Joseph Guangco maoy nangu sa Inayawan sa iyang 18 puntos.

Puntos matag USA

Unang duwa:

Guadalupe (93) - Gabucan 20, Almonte 17, Cainglet 17, Galinato 12, Rufina 10, Gacho 9, Vergara 8,

Inayawan (87) - Guangco 18, Toroy 14, Baguio 10, Abasolo 9, Cabrera 8, Bacalso 8, Cabo 8, Jueves 7, Daculan 7,

Ikaduhang duwa:

San Nicolas (110) - Jumalon 37, Toring 31, Cabanero 14, Agpasa 10, Sare 5, Tomakin 4, Grafe 2, Casquejo 2

Pardo (98) - Abelong 28, Montillano 20, Monte de Ramos 18, Tulda 10, Lumapas 7, Eroy 6, Castanares 5, Araw 2, Peras 1, Jayme 1 

(BANATSPORTS)