TCC belles moapil sa 5th Maasin City Annual Volleyball tournament

CEBU, Philippines - Mopakita sa ilang abilidad ang Team Cebu City (TCC) sa ipahigayong 5th Maasin City Annual Volleyball Tournament karong adlawa didto sa Maasin City gym sa Leyte.

Suwayan sa Team Cebu City squad pagbuntog ang ubang lig-ong koponan dinhi sa tibuok nasud.

Ang RP beach volley team member Jusabelle Brillo ug former junior RP team Genie Sabas maoy mangu sa TCC.

Maghangad sab sila sa suporta nila ni former University of San Jose-Recoletos stalwards nga naglakip nilang Mechelle Matuguina, Juliet Mae Marikit, Kenneth Garces ug Cristy Aina Laroga, uban nilang Cheche Bohol, Ivy Abella ug four-time Nestea beach volley national champ Florian Gutierrez.

Ang mga tunghaan nga sakop sa Cebu Schools Athletic Foundation Inc. (CESAFI) -- Southwestern University (SWU), University of San Carlos (USC) ug University of Southern Philippines Foundation (USPF), ang nikompirmar sab sa ilang partisipasyon nga kabahin sa ilang pagpangandam alang sa tinuig nga kompetisyon nga sugdan sunod bulan.

Ang reigning women's CESAFI champion SWU ubos sa ilang bag-ong coach Jordan Paca langkuban nilang Raphril Aguilar, Danika Yolanda Gendrauli, Lorie May Layno, Danalie Baquiro, Elizabeth Emnace ug Mary Luilyn Pacinio.

Sa laing bahin, ang USC ni comebacking coach Norvie Labuga moparada nilang Jerymie Montalvo, Metosheena Bate, Niña Irish Cortes, Suzette Panis ug Akemi Aono.

Ang kanhi Nestea beach volley national champions nga sila si Erika Camille Verano ug Apple Eve Saraum uban nilang Dianne Navaja ug Amor Pepito maoy mangulo sa USPF. – BANAT NEWS