Team NCR miarangkada sa 2nd leg sa PAC series

CEBU, Philippines - Miarangkada na sab ang team No Care Racing (NCR) ug mikambiyada og kinatibuk-ang 18 ka tropeyo uban ang lima ka championship trophy sa second leg sa Philippine Autocross Championship Series niadtong weekend diha sa South Road Properties (SRP).

Daku kini nga kalamboan alang sa NCR riders, kinsa mihakot og 12 ka dosenang tropeyo atol sa unang

leg pipila ka bulan ang milabay.

Ang team NCR nidominar sa stock category uban ang tulo ka first place trophies, duha naggikan ni founding member Alan ‘Big Al’ G. Choachuy sa novice A ug C sakay sa Dewfoam motosport Honda Jazz.

Si Choachuy nahimutang sab sa ikaduha sa front wheel drive (Lancer Evvo Zero), gisundan sa iyang teammate nga si Eric Canama (Nissan Altima).

Si Dennis Corro mao ang nag-una sa experienced stock A gawas sa iyang pagpahiluna sa ikaduha sa sports car ug experience stock B ug ikatulo sa real wheel drive ug sa experienced stock C.

Gidominar sab ni NCR top gun Jong King ang Subaru class ug ikaduha sa all-wheel drive class ug sa novice modified C, samtang si Philip Khan ‘Lik-Lik’ Lim naghari sa automatic class, gisundan ni Bobby Pangilinan.

Lain pa nga mga riders nga miratsada sa NCR mao sila si Anthony Khe, kinsa miangkon sa ikaduha sa Toyota class ug Eric Canama, ikatulo sa novice stock C.

Ang team NCR gipaluyohan sa Dewfoam Motorsports diin duha sa ilang Toyota MRS ug ang ilang bag-ong nakakuha nga Baby ‘J’ Honda Jazz nga nidominar sa stock class.

Lain pang corporate backers sa NCR naglakip sa Maxxis Tires, Mobil One, Dewfoam, Durabend Pipe, Nodolas, Total Oil, DAJ Auto Repair Shop, Sunsport, Aldo/Onitsuka Servitech ug JT Wheels. (BANAT NEWS)