Bag-ong chicken house: "Kentucky Floyd Chicken"

CEBU, Philippines - Ambot og nakadungog na ba kamo niining bag-ong franchise sa fastfood nga kumpetinsya sa KFC o Kentucky Fried Chicken. Usa ako sa nakadawat sa email (facebook) ni ex-PBA four-time MVP Ramon Fernandez nga aduna sab diay Kentucky Floyd Chicken nga gipahinungod kang Floyd Mayweather, Jr. nga kanunay gyud mo-chicken kung hagiton ni Top Rank Promotions chairman Bob Arum aron makig-away ni Saranggani Congressman Pacman.

Hayan kining maong franchise sa KFC anhi lang makita sa Pilipinas kay basin walay ganahan motukod niini didto sa America.

Niadtong alas 3am (Sabado sa kaadlawon) didto sa East Coast, dautang taho ang gipakatap sa 78-anyos nga si Arum nga nagpahibalo nga walay mahitabong away tali nilang Manny Pacquiao ug chicken Floyd (at least dili chicken pox) sa tuig 2010.

Kun ugaling madayon man gyud ang makasaysayong away, adto na kini mahitabo sa Mayo sa 2011.

Gitagalan man gud ni Arum ang kampo ni Floyd nga pirmahan ang kontrata sa labing dugay alas 11.59 sa gabii-Biyernes sa Pacific Time apan wala kini matuman ni Floyd alang unta sa ilang sambunot sa ring unya sa Nobiyembre 13. Dinhi misamot kadaghan ang mga Pinoy nga manag-iya og franchise sa Kentucky Floyd Chicken.

Tungod ning pagkakak ni chicken Floyd o pagbahag sa ikog murag iro nga sungkaban, mapugos si Cong. Pacman pagpili bisan asa kanila ni former WBO welterweight champion Antonio Margarito o rematch kang Miguel Cotto kinsa kulatado kaayo ni Pacman sa miaging tuig.

Kung si Cotto wala mahitsura ang nawong sa kinumo ni Pacman ug nahimo na lang kining lusa, unsa man kahay atong itawag ni Margarito? Kuyamad?

Pareho raba ni silang duna'y TO ang kataposang letra sa apelyido busa mura'g pareho sab ning pamilya sa kuto. Maglagot raba ning mga Pinoy og kuto kay akong mahinumdoman sa column ni Sir Nito Jabat pipila na ka tuig ang milabay, wala tuyoang masayop ang spelling sa usa ka artikulo nga nagkanayon " Filipinos eat lice" diin ang buot diay untang ipasabot Filipinos eat rice. Di ba makabogo gyud diay ning mga jejemon kay kini ganing mosipyat nga wala tuyoa daku man gani kaayong impact, unsa na kaha og tuyoan gyud og sayop-sayop ang spelling?

Si Margarito naka-kontra na ni Cotto ug mao na sa ginhawa ni Cotto aron modaug. Apan niadtong 2009, kini si Margarito gisuspenso sa California State Athletic Commision kay hisakpan nga dunay mura'g plastic nga giputos sa iyang kamot sa wala pa ang ilang away ni Shane Mosley nga bag-o   lang sab napilde ni Floyd sa usa ka unanimous decision.

Sa higayon nga pilion ni Pacman si Cotto alang sa rematch, posibleng adto himoon ang away sa Las Vegas o di ba sa Cowboys Stadium.

Sa akong kabahin, nakasaway sab ako ni Arum tungod kay dugay na man unta niyang namatikdan nga mikakak kini si Floyd, nganong magsige pa man siya'g pamugos. Abi man nako'g dili ni gahi'g ulo ang mga Amerikano, gahi man sab diay kaayo murag puthaw.

Nagduda na hinoon ako niining nga si Arum maoy gustong maka-kawarta ug dili lang si Pacquiao. Hinoon wala man seguro'y tawo karon nga dili gustong makakwarta sa legal nga pamaagi pero lahi sab kining makakwarta sa pinugos nga paagi. Sama ra kini nga namaligya ka'g illegal nga droga kay pinugos man nga kinitaan.

Ako kining opinyon ambot lang kaha ang inyoha.

Sus, Arum pagka-maayo gyung sipyaton og suwat sa imong apelyido uy. Ambot malipay ka ba kaha kung himoon ko ikaw nga BOB GI-ORUM.Joke ra.

Miscellaneous. Belated 91st anniversary to THE FREEMAN which I missed to attend what would have been our "FUNNIVERSARY". I thought that it would be Sunday, July 18 but it turned out the party was held Friday, July 16. My auntie from Seattle, Washington, the place where Boeing 747 jet planes are made (that's why Seattle sonics) as well as her daughter Lynn Domingo Maynard and two grandsons-Malik Owens and Alexander Maynard (son of Lynn) are here for a precious vacation and will visit their relatives in Poro, Camotes where a scheduled reunion takes place on Saturday, July 24 in our ancestral home in Garrietha Heights, the little Beverly Hills in Poro. In that hilly terrain, you can see there 50-step concrete stairways in the left side and more than 100 steps at the right side constructed just a few meters away between the two structures.