Brgy. Dancesport champs morampa sa NCR

CEBU, Philippines - Gibaid og maayo nilang Crispin Sato Jr. ug sa iyang partner nga si Therese Andre Quilaton ang ilang talento sa sayaw diha sa Emotions Training Studio sa Cebu City Sports Center (CCSC).

Ang duha, usa sa mga kampiyon sa Barangay DanceSport program naghinam-hinam na nga morampa sa DanceSport Council of the Philippines (DSCP) national competition karong Sabado didto sa Philsports Arena sa National Capital Region (NCR).

"This is our first time to visit Manila. We feel so lucky to be part of the team," matud ni Sato. Si Sato nagtungha sa ikalimang ang-ang sa Apas Elementary School ug si Quilaton sa City Central Elementary School.

Ang tandem nilang Sato ug Quilaton katulo na ka higayong nakampiyon sa pito ka bulan nga DanceSport and Hip Hop Barangay Competition Circuit. Ang Barangay Dancesport program mohimo'g libreng dancesport training sa tibuok tuig sa barangay levels alang sa mga atleta nga adunay potensiyal ug mopahigayon sab kini og senemanang kompetisyon alang sa mga partisipante.

Sila si Sato ug Quilaton kabahin na sa training pool sa Dancesport Team Cebu City.

Lain pang Barangay Dancesport champion nga mosadsad sa NCR mao sila si Jace Philip Piner, Mary Joy Dumosmog ug uban pang mga kampiyon sa Barangay Dancesport programs sa nangaging katuigan.

Ang ubang mga atleta sa July national Dancesport competition naglakip nilang Alo, Constantino Jr., Aunzo, Wilbert, Bartolini, Lloyd, Canoy, Jeric, Corro, Christopher Albert, Elarcosa, Rinzon, Estillore, Anselmo Jr., Flores, Mark Rhony, Getaruelas, Joseph, Jabonero, Lark, Jabonero, Nelson Jr., Madera, Joel, Marquez, Roque, Montero, Alexander, Noel, Jimmy, Orlanes, Samson, Pacaña, Rolan, Piner, Jace Philip, Ruiz, Ronald, Saldua, Renante, Tumarong, Bernie, Udarbe, Reymar, Unabia, Davin, Llamedo, Cecil, Cañeda, Pearl Marie, Briones, Jessa Mae, Diluvio, Hanna Jane, Elarcosa, Reyana Mae, Lozada, Mae, Ledda, Michaelyn, Paguio, Lilibeth, Ferrer, Mary Ann, Balde, Venus Mae, Madera, Anabelle, Marquez, Rhea, Balbuena, Ma. Corazon, Zetz, Elizabeth, Pabuaya, Mae, Dumosmog, Mary Joy, Versteeg, Jocelyn, Camacho, Miljane, Eco, Arlyn, Sakurai, Kinue, Hayco, Eleanor ug   Alix, Victoria. Mogiya nila mao si team coach Loloi Rendon. – BANAT NEWS

Show comments