Germany misakiyo sa 3rd place sa World Cup

Gipasulod ni Sami Khedira ang iyang head shot sa nahibiling 82 minutos sa duwa alang sa 3-2 nga kadaugan sa Germany batok sa Uruguay sa battle-for-third place sa 2010 FIFA World Cup kagahapon didto sa South Africa.

Nindot na kini nga konsuwelo alang sa Germany nga makuha ang third place human sila gimakmak sa European champion Spain kinsa mipilde kanila atol sa semifinals round.

Naglabaw ang Uruguay sa sayung bahin sa second period, 2-1, sa paningkamot ni Diego Forlan, apan nausik kini human sa goal ni Thomas Mueller nga maoy mitabla sa score.

Sa laing bahin, midagsa karon ang mga sikat ug dagkung personalidad sa tibuok kalibutan didto sa Johannesburg aron personal nga musaksi sa gikaintapang finals match tali sa Spain ug Netherlands . - Lemuel P. Maglinte gikan sa AP