CFFL Playoffs moulbo na

CEBU, Philippines - Andam na ang tanan alang sa Cebu Flag Football League (CFFL) Playoffs 2010 nga moulbo karong adlawa diha sa Cebu City Sports Center.

Ang naasoy'ng torneyo magsilbeng featured competition  sa CFFL niini nga season.

Sa pasiunang magbangga ang Eagles ug ang Colts sa ala-1:45 sa hapon. Sundan kini sa duwa tali sa Steelers ug sa Raiders.

Ang format sa playoffs magbasi sa team ranking uban sa Steelers nga maoy nahimutang sa kinatas-ang dapit, gisundan sa Eagles nga ni-okupar sa ikaduha ug sa Colts ug Raiders nga mipahiluna sa ikatulo ug ikaupat nga dapit.

Ang mga modaog sa cross-over awtomatik nga makakuha og luna sa kampiyonato sa Superball Championships sunod weekend diha gihapon sa nahisgutang binyu.

Ang torneyo agi sab sa pagpangandam alang sa 3rd National Flag Football League karong Oktubre.

Ang Queen City of the South   nga misakmit og sunod-sunod nga national title, naglaraw og "three-peat" karon nga season.  – BANAT NEWS