VKK naka-ipsot sa Virlex
CEBU, Philippines - Napadaog ni Rene Cuadra ang VKK sa kulbahinam nilang duwa batok sa Virlex, 63-62 sa LLBA Rollway Cup 2010 basketball tournament didto sa Villa Magalles gym sa Lapu-Lapu City.
Gawas nga giluwas, si Cuadra mao sab ang topscorer sa VKK nga miposa og 17 puntos. Si Edwin Ugsimar miamot og 13 puntos, samtang si Eddie Alian mitampo'g 11 puntos.
Bugtong si Pompie Ngujo ang nakakuha'g double figures alang sa pilderong Virlex pinaagi sa iyang 25 puntos. Si team manager Alex Dignos miabuno lang og sayes puntos.
Ang LLBA Rollway Cup gipaluyohan ni Rolly Dela Pieza ug sa D' House of Sports sa magtiayong Billy ug Judith Nadado.
PUNTOS MATAG USA
VKK (63) - Cuadra 17, Ugsimar 13, Alian 11, Orque 10, Juntilla 6, Gutib 5, Oyao 4
VIRLEX (62) - Ngujo 25, Intong 6, Bardago 6, Dignos 6, Pardillo 5, Inocian 5, Augusto 4, Arong 3, Coming 2, Sagarino 2 (BANATNEWS)
- Latest
- Trending
