UTASSCO milubong sa F&E Electrical Supply

CEBU, Philippines - Pabiling walay pilde ang UTASSCO Utility human ilang gilubong ang F&E Electrical Supply sa iskor, 138-105 aron pagharos sa elimination round sa Power Forty Summer League basketball tournament didto sa Inayawan Sports Complex.

Sa kasamtangan, ang UTASSCO nagbitbit karon og 4-0 nga baraha ug maoy no. 1 seed sa semifinals.       

Sa sayo pa, mikulit og laing daog ang Water Market dihang ilang gilumsan ang Allyn & Sons, 112-103, mihaon sab og daog ang Park ‘N Go Bakeshop batok sa Precious Ellah, 91-81.

Si Wilbor Cabrera miburak og 39 puntos aron pangulohan ang UTASSCO, samtang laing upat niya ka teammates ang mirehistro og double figures.

Si Brgy. Inayawan councilor Mario Tabar maoy nangu sa F&E Electrical Supply sa iyang 34 puntos, gisundan ni Roy Mabalcon nga adunay 30 puntos.

Sa sayo pa, si Gideon Bughao mihakot og 28 puntos aron pangulohan ang Water Market nga nagtabla karon sa F&E Electrical ug Precious Ellah.

Si Edwin Dejacto ug Vez Eleguin midugang og 19 ug 18 puntos matag usa.

Ang Allyn & Sons nga maoy mahimutang sa kinaubsang dapit, gipangulohan ni Carding Vernaiz pinaagi sa iyang 30 puntos.

Si Romy Rama miposa’g 22 puntos aron pangulohan ang Park ‘N Go nga nahimutang sa ikaduhang dapit sa ilang 3-2 nga baraha.

Sila si Nestor Javierto ug Roel Traya nagkumboya og 46 puntos arong pangulohan ang Precious Ellah.

Puntos Matag Usa

Unang duwa:

Water Market (112) - Bughao 28, Dejacto 19, Eleguin 18, Genzon 16, Dela Rama 15, Dacalos 6, Labalan 4, Abellana 4, Yosores 2

Allyn & Sons (103) - Vernaiz 30, Lisondra 18, Albaño 17, Tabar 14, Colinares 12, Reyes 8, Cabase 4

Ikaduhang duwa:

Park ‘N Go (91) - R. Rama 22, Arias 17, Ozon 15, Dejarme 8, Rama 4, Bacalso 2, Echavez 2, Lalican 2, G. Rama 2

Ikatulong duwa:

UTASSCO (138) - Cabrera 39, Mercado 22, Nacional 14, Yu 13, Labajo 11, Atillo 8, Yosores 7, Abasolo 4

F &E Electrical (105) - Tabar 34, Mabalcon 30, Cabatas 13, Abasolo 11, Mosqueda 10, Navares 5, Kalinga 2. – BANAT NEWS