Squires bigo sa Staglets

MANILA, Philippines - Nagbuslo si Isaac Pante ng mga krusyal na puntos sa end game habang nagtala naman si Gino Jumao-as ng isang all-around performance upang pagtulungang buhatin ang San Sebastian kontra Letran, 89-83 upang itala ang kanilang unang panalo sa kanilang kampanya sa pagsisimula ng juniors division ng 86th NCAA basketball tournament kahapon sa The Arena sa San Juan.

 Isang three point shot ang pinakawalan ng 16-year old na si Pante upang basagin ang 83-all na score at sinundan niya ito ng dalawang free throw para sel­yuhan ng 4-time champion Staglets ang kanilang unang tagumpay sa kani­lang tangkang maibalik sa San Sebastian ang juniors title.

 Nagtala naman si Jumao-as, ng 27 points para pangunahan ang Staglets.