Mapua, Arellano umiskor

MANILA, Philippines - Natuto na ng kani­lang leksyon ang mga Car­dinals.

Naging mainit mula sa first hanggang fourth quarter, iginupo ng Mapua ang University of Perpetual Help-Dalta System, 79-65, sa 86th NCAA men’s basketball tournament kahapon sa The Arena sa San Juan City.

“We learned our lesson from last year so I kept reminding the boys to play consistent from start to finish,” sabi ni coach Chito Victolero sa kanyang Cardinals, may 1-0 rekord kagaya ng nagdedepensang San Sebastian Stags at San Beda Red Lions.

Sa ikalawang laro, tinalo ng Arellano University ang Emilio Aguinaldo College, 82-72.

Umiskor si Mark Acos­ta ng 14 points ka­su­nod ang 13 ni Erwin Cornejo, 11 ni Rodel Ra­nises at 10 ni Jason Pas­cual para sa Mapua, naging finalist sa na­karaang Fr. Martin Cup.

Halos magsuntukan naman sina Cardinal’s forward Andretti Stevens at Arnold Danga­nan ng Altas nang magpang-abot sa fourth quarter kung saan lamang ang Ma­pua sa Perpetual, 58-50.

Matapos ito, napatal­sik naman sa laro sina Ray Cabrera ng Cardinals at Narr Garay ng Al­tas.

Isang 19-6 atake ang ginawa ng Cardinals ni Victolero sa fourth period para tuluyan nang talunin ang Altas.