NEW YORK - Tiyak nang si John Wall ang huhugutin ng Washington Wizards bilang first pick overall pick sa 2010 NBA draft.
Ayon naman sa kanyang kakampi sa Kentucky na si DeMarcus Cousins, siya ang dapat tanghaling overall pick.
“I am the most dominant, and I believe I am the biggest game changer,” wika ni Cousins. “I believe I am the best talent in the draft.”
Ngunit hindi na maaaring magbago ang desisyon ng Wizards ang All-American point guard.
Posible namang hugutin ng Philadelphia 76ers si national player of the year Evan Turner mula sa Ohio State bilang No. 2 pick.
Pinag-iisipan pa rin ng New Jersey Nets, nagposte ng pinakamasamang kartada sa nakaraang NBA season, kung sino kina Cousins, Derrick Favors at Syracuse forward Wesley Johnson ang kanilang kukunin bilang No. 3 pick.
Nagkasabay sa ensayo sina Favors at Cousins sa Philadelphia, New Jersey at Sacramento, kukuha ng No. 5 pick.