2 dikit na TOP leg title puntirya ng Cobra vs Ascof Lagundi

MANILA, Philippines - Pilit na isasantabi ng Co­bra Energy Drink ang na­raramdamang pagod mula sa matagumpay na paglahok sa General Santos City sa pagsabak sa ikatlong yugto ng Tournament of the Philippines nga­yon sa Trace College Gym sa Los Baños, Laguna.

Ang nakaumang na ika­lawang leg title ang magdaragdag motibasyon sa Ironmen na makikipagtuos sa napahingang Ascof Lagundi sa unang laro ganap na alas-4 ng hapon.

 Ang Laguna na gaya ng Cobra ay naglaro sa se­cond leg ay masusukat na­man sa Mandaue na mag­bubukas ng kampanya sa ligang pinagtutulungang i-organisa ng PBL at Liga Pilipinas.

Naipakita ng Ironmen ang tikas ng paglalaro nang bumangon buhat sa 24-puntos pagkakalubog tungo sa 92-85 overtime pa­nalo sa Misamis Oriental finals sa General Santos City .

 Sina Pari Llagas, Elmer Espiritu, Rudy Lingganay, JR Tecson at PJ Barua ang mamumuno sa tropa ni coach Lawrence Chongson para sa unang ta­gumpay kontra sa PBL team na magnanais namang bumangon matapos pumangalawa lamang sa ML Kwarta Padala Cebu sa first leg.