1st Treadtel Cup gikatakda

CEBU, Philippines - Nahan-ay na ang tanan alang sa pagpahigayon sa 1st Treadtel Cup football tournament nga ipahigayon sa duha ka weekends (Hulyo 10-11 ug 17-18) diha sa Aboitiz Sports Field sa Brgy. Subangdaku sa Mandaue City.

“This event aims to promote football in Cebu especially in the grassroots level. We would like to encourage the different clubs and schools to participate in this tournament,” matud pa ni Adonis Quitoy, ang club ug competitions director.

Ang torneyo naglatid og players 8 and 10, boys 12 ug boys and girls 14 ug 17 divisions.

Aduna kini registration fee nga P1,000. Ang deadline pagduso sa mga entries kutob lang karong Hunyo 26 pinaagi sa "first-come, first-served" basis.

Gitukod sa Cebu Football Association (CFA), ang kalihukan gipaluyohan sa Treadtel Tires.

Alang sa dugang mga kasayoran, ang interesado mahimong mokontak ni CFA office administrator John Martin Ferrer sa 422-4615, 0908-4833354 ug 0933-3431212 o e-mail sa [email protected]. (BANAT NEWS)