MisOr, Cobra magtigi sa kampiyonato sa TOP

CEBU, Philippines - Hingpit na nga nahanaw ang damgo sa GenSan Warriors nga mokampiyon sa ilang balwarte tungod kay gitiwasan sila sa MisOr Meteors, 70-78 alang sa katapusang luna sa final sa 2nd leg sa Tournament of the Philippines (TOP) didto sa Lagao gym.

Mga kanhi NCAA cagers nga sila si Khiel Misa, Dino Daa ug Mark Andaya maoy migiya sa Meteors ni Gov. Oscar Moreno nga moduwa sa kampiyonato batok sa Cobra Energy Drink.

Sukwahi sa ilang duwa batok sa Cobra, wala makasustinir ang Warriors sa grabeng depensa nga gipatuman sa Meteors, kinsa miposte og 22 puntos nga labaw, 71-49 sa nahabiling sayes minutos sa duwa.

Si Misa maoy nangulo sa ilang Meteors pinaagi sa iyang 22 puntos, samtang si Daa midugang og 11 puntos.

Sa sayo pa, pakyas ang Cobra sa tinguha nilang sweep human madisgrasya batok sa Treston Laguna Stallions, 83-84. Hinuon, ang kapildihan wala makabaraw sa ilang pagduwa sa finals.

PUNTOS MATAG USA

Unang duwa:

Treston Laguna (84) - Bolocon 29, Mercado 13, Losentes 12, Mangahas 9, Ricafuente 7, Grijaldo 5, Sanz 4, Musni 3, Capati 2

Cobra (83) - Lingganay 19, Tecson 13, Espiritu 12, Nabong 10, Barua 10, Acuna 6, Simpson 5, Afable 4, Bagatsing 4

Ikaduhang duwa:

MisOr (78) - Misa 22, Daa 11, Moreno 10, Lamocha 9, Cabahug 8, Saldua 6, Raneses 6, Andaya 4, Butel 2

GenSan (70) - Coronado 22, Gonzaga 10, Timon 10, Daja 9, Nicdao 7, Medalla 6, Yambao 4, Parreno 2   (BANATNEWS)