UTASSCO nag-una sa Power Forty

CEBU, Philippines - Misansan na sab og laing daog ang UTASSCO ni Atty. Flor Yosores human nila gipilde ang Water Market, 118-113 sa nagpadayong Power Forty Summer Basketball League didto sa Inayawan Sports Complex.

Ang 3-0 nga UTASSCO gipangulohan ni Wilbur Cabrera, kinsa mikulit og Power Forty scoring record nga 55 puntos, giabagan ni Alex Mercado nga miburak og 36 puntos. 

Si Allan dela Rama miposa'g 30 puntos aron pangulohan ang nalubog nga Water Market, kinsa nagbitbit karon og 1-2 nga baraha.

Sa lain pang duwa, ang Allyn & Sons mirehistro sa labing unang higayon sud sa tulo ka duwa dihang ilang natsambahan ang Precious Ellah sa iskor nga 97-91.

Si Carding Vernaiz maoy nangulo sa Allyn & Sons sa gipabuto niyang 43 puntos, gisundan ni Adot Tabar nga adunay 30 puntos. Samtang ang pilderong Precious Ellah gipangulohan ni Rusty Caballero pinaagi sa iyang 19 puntos, samtang si Nestor Javierto miabuno'g 18 puntos.

Ang Park N' Go Bakeshop mihaon sab sa una nilang daog sud sa tulo ka duwa pinaagi sa pagpukan sa F&E Electrical Supply sa iskor nga 95-87.

Si Michael Arias milunod og 24 puntos aron pangulohan ang Park ‘N Go, samtang si Mario Tabar miburak og 34 puntos alang sa pilderong F&E Electrical.

Puntos Matag Usa

Unang duwa:

UTASSCO (118) - Cabrera 55, Mercado 36, Yu 8, Labajo 6, Yosores 5, Abasolo 4, Nacional 4

Water Market (113) - Dela rama 30, Bughao 24, Eleguin 21, Dejacto 10, Genzon 10, Dacalos 6, Abellana 5, Labalan 4, Yosores 3

Ikaduhang duwa:

Allyn & Sons (97) - Vernaiz 43, Tabar 30, Albaño 11, Lisondra 7, Sabejon 6

Precious Ellah (91) - Caballero 19, Javierto 18, Cabañero 14, Traya 14, Nacario 8, Ramil 6, Navares 6, Samson 2, Rabadon 2

Ikatulong duwa:

Park ‘N Go (95) - Arias 24, Layon 18, Ozon 15, Echavez 10, G. Rama 9, Dejarme 6, Rama 5, R. Rama 4, Lalican 4

F&E Electrical (87) - Tabar 34, Mabalcon 18, Mosqueda 11, Pacquiao 11, Abasolo 6, Navares 5, Kalinga 2. – BANAT NEWS