Precious Ellah, UTASSCO 2-0 na sa Power Forty caging

CEBU, Philippines - Parehong mikulit og laing daog ang Precious Ellah ug UTASSCO nga kasamtangan karong nagsawo sa liderato sa nagpadayong Power Forty Summer League basketball tournament didto sa Bulacao gym, ning dakbayan.

Si Roel Traya maoy bayani sa Precious Ellah dihang misulod ang iyang jumpshot sa katapusang singko segundos aron baswaton ang iyang team ngadto sa 84-82 nga kadaugan batok sa F & E Electrical Supply.

Si Wilbor Cabrera mibahog og 37 puntos, samtang si Alex Mercado mikadlit og 28 puntos alang sa UTASSCO, kinsa milubong sa Allyn & Sons sa iskor, 105-84.

Ang Precious Ellah ug UTASSCO nagbitbit og managsamang 2-0 win-loss records.

Si Traya mihimo’g 15 puntos lakip ang winning shot, apan sila si Eric Caballero ug Nestor Javierto maoy nangu sa Precious Ellah sa ilang 27 ug 17 puntos matag usa.

Si Berong Cabatas miposa og 24 puntos aron pangulohan ang F&E Electrical.

Sa laing duwa, ang Water Market midaog batok sa Park ‘N Go Bakeshop sa iskor nga 93-84.

Sila si Edwin Dejacto ug Alan dela Rama maoy nangu sa Water Market nga nagkumboya'g 37 puntos, samtang si Michael Arias mao sab ang nangulo sa pilderong Park ‘N Go sa iyang 24 puntos.

PUNTOS MATAG USA

Unang duwa:

Precious Ellah (84) - Caballero 27, Javierto 17, Traya 15, Navares 9, Abadejos 8, Nacario 4, Cabañero 4

F& E Electrical (82) - Cabatas 24, Mabalcon 18, Pacquiao 12, Abasolo 10, Mosqueda 7, Kalinga 6, Navares 3, Labajo 2

Ikaduhang duwa:

UTASSCO (105) - Cabrera 37, Mercado 28, Yosores 11, Abasolo 8, Labajo 6, Atillo 5

Allyn & Sons (84) - Albaño 17, Reyes 14, Vernaiz 13, Tabar 12, Lisondra 8, Sabejon 6, Colinares 6, Gabuya 4

Ikatulong duwa:

Water Market (93) - Dejacto 19, Dela Rama 18, Genzon 16, Bughao 14, Eleguin 11, Dacalos 6, Abellana 5, Yosores 4, Cayacap 2

Park ‘N Go (84) - Arias 24, Layon 18, Ozon 16, R. Rama 8, Echavez 6, G. Rama 4, Bacalso 3, Dimitiman 2, Dejarme 2   (BANATNEWS)