RCAF vs. Ver-Son sa Abella's Cup finals

CEBU, Philippines - Maoy mag-abot sa kampiyonato ang RCAF ni team owner Romeo Faunillan ug Ver-Son sa pagpangulo ni playmaker Garlan Tapere human gipilde ang tagsa-tagsa nila ka kaatbang sa 3rd Norvin Abella's Cup 2010 basketball tournament didto sa Labangon open court.

Ang RCAF nagkinahanglan lang og usa ka makusog nga patid sa third period aron palagpoton ang Ponteras Farm sa iskor nga 76-60, samtang ang Ver-Son way kukaluoy nga milubong sa J&D squad, 71-48.

Gikan sa 15-all deadlock sa sayong bahin sa first period, kalit lang nanginit ang RCAF ug mikamada og 20-8 nga rally aron molabaw og 12 puntos, 35-23 sa halftime. Ila pa nga giinat ang labaw ngadto sa 21 puntos pagsugod sa final period ug wala na kini molingi pa sukad niadto.  

Si George Alguno maoy nangu sa RCAF sa iyang 17 puntos, samtang sila si Danrey Baclay ug Jong Wilbur parehong miamot og 13 puntos ug si Alwen Tabasa mitampo og 10 puntos.

Ang Ponteras Farm gipangulohan ni Tinong Ceros pinaagi sa iyang 16 puntos. 

Sa sayo pa, si Ariel Sarucam miposa'g 11 puntos alang sa Ver-Son, samtang si Junrey Guimarangan mao sab ang nangu sa J&D sa iyang 12 puntos.

Puntos Matag Usa

Unang duwa:

Ver-Son (71) - A. Sarucam 11, G. Tapere 10, L. Sabanal 10, Kintanar 8, Ferolino 7, O. Sabanal 7, Mamalias 6, Avila 6, Navaroo 2, Wilson 2, Dacuyan 2

J&D (48) - Guimarangan 12, Bacus 10, Cortes 10, Donggpn 8, Abella 4, Caster 2, Quijano 2

Ikaduhang duwa:

RCAF (76) - Alguno 17, Wilbur 13, Baclay 13, A. Tabasa 10, Lozarita 8, Faunillan 4, Dacuyan 4, G. Sarucam 2, J. Tabasa 2, E. Tapere 2, Rodriguez 1

Ponteras (60) - Ceros 16, W. Tabasa 13, Tabasa 10, Amores 10, G. Ponteras 6, Restauro 2, Sta. Rosa 2, Pilarca 1. –  BANAT NEWS