Knockout win target ni Mayol vs Nino sa kanilang paghaharap sa Hunyo 19

MANILA, Philippines - Isang knockout na panalo ang nais na mailista ni Rodel Ma­yol sa muling pakikipagtuos niya kay Omar Nino sa Hunyo 19 sa Plaza de Toros sa Quere­taro, Mexico.

Hindi makalimutan ni Mayol ang nangyari sa unang pagtutuos ng dalawang boksingero no­ong Pebrero 27 kaya’t sinisipat niya ang kumbinsidong panalo upang hindi papormahin ang katunggali na masusuportahan uli ng kanyang mga kababayan.

“If there is a chance, I will go for a knockout. It’s have to win by decision,” wika ni Mayol.

Itataya sa ikalawang pagka­kataon ni Mayol ang hawak na WBC light flyweight title laban kay Nino matapos mauwi sa tab­la ang unang pagkikita sa Chia­pas, Mexico.

Tinamaan ng low blow si Ma­yol ni Nino dahilan upang bu­mulagta ito at hindi na naka­tayo. Pero dahil illegal punch ang ginamit, idineklarang tabla ang laban at ipinag-utos ang re­match na ito.

Tiniyak ni Mayol na hindi na mauulit ang nangyari sa re­match dahil alam na niya ang mga ikinikilos ni Nino na dating kampeon ng dibisyon nang talunin si Fil-Am Brian Viloria.

Nasa magandang kondisyon na rin siya dala ng masinsinang pagsasanay kaya’t mataas ang kanyang kumpiyansa na ha­harap sa laban.

“Training camp is great and I’m in condition. I know his style and I’m concentrating on my de­fense and speed. I have trai­ned hard and I should come out the winner this time,” wika pa ni Mayol.

Ang 28-anyos na tubong Man­daue City, Cebu pero na­ninirahan na sa Los Angeles, Ca­lifornia ay may hawak na ring record na 26 panalo sa 30 laban kasama ang 20 KO habang taglay naman ng 34-anyos na si Nino ang ring record na 28 panalo sa 34 laban at 11 KO.