Derby Ace import pauuwiin na rin
MANILA, Philippines - Katulad ng ilang koponan, nag-iisip na rin ang Llamados na palitan si import Clif Brown.
Sa nakaraang dalawang sunod na panalo ng Derby Ace sa Alaska at nagdedepensang San Miguel sa second round ng 2009-2010 PBA Fiesta Conference, umiskor lamang si Brown ng 7 at 11 puntos, ayon sa pagkakasunod.
“He’s been clearing the boards for us and he’s been more of a weakside rebounder and scorer,” ani Llamados’ head coach Ryan Gregorio sa panayam ng GMANews.TV. “But he only scored seven and 11 points the past few games, numbers which can be produced by a local player. I’ve been honest with Clif about it.”
Sa kabila ng posibleng pagpapauwi kay Brown, humalili naman sa may injury na si Lorenzo Wade, wala pang bagong pangalan ng import si Gregorio.
Kamakailan ay humugot ng mga bagong reinforcement ang Air21, Barangay Ginebra at Coca-Cola para palakasin ang kanilang tsansa sa torneo.
Kinuha ng Express ang orihinal nilang piniling si Leroy Hickerson kapalit ni Reggie Larry, habang ipinarada naman ng Gin Kings si Denham Brown, sumalo sa naiwang trabaho ni Mildon Ambres, at ibabandera ng Tigers ang baguhang si John Williamson sa Hunyo 13.
Sa bisa ng kanilang 11-game winning streak, inagaw ng Talk ‘N Text ang liderato sa kanilang 12-2 rekord kasunod ang San Miguel (11-3), Derby Ace (9-5), Alaska (8-5), Ginebra (8-6), Rain or Shine (7-6), Coke (5-9), Sta. Lucia (4-10), Air21 (3-11) at Barako Coffee (2-12).
- Latest
- Trending
