Elasto Painters tinalo ang Realtors
MANILA, Philippines - Nagtuwang sina import Jai Lewis, Jay-R Reyes, Gabe Norwood at TY Tang upang igiya ang Elasto Painters sa 91-81 panalo kontra minamalas na Realtors sa second round ng 2009-2010 PBA Fiesta Conference kahapon sa Aranate Coliseum.
Umiskor si Lewis ng 19 puntos kasunod ang 16 ni Reyes, 14 ni Norwood at 13 ni Tang para sa 7-6 baraha ng Rain or Shine sa ilalim ng Talk ‘N Text (12-2), nagdedepensang San Miguel (11-2), Derby Ace (8-5), Ginebra (8-6) at Alaska (7-5) kasunod ang Coca-Cola (5-9), Sta. Lucia (4-10), Air21 (3-11) at Barako Coffee (2-12).
Hinugot naman ng Tigers si John Williamson, kumampanya sa mga liga sa Poland at Sweden, kasabay ng pagpapauwi kay Rashad Bell na naunang sumalo sa trabaho ni dating Best Import James Penny.
Samantala, pormal nang kinuha ng PBA Board si Atty. Chito Salud bilang deputy Commissioner.
“Hopefully, I can give positive contributions in making the league more dynamic and respond to the expectations of the basketball fans,” ani Salud.
- Latest
- Trending
