DMV midemolis sa Bayabas sa Punta Princesa cagefest

CEBU, Phillipines - Way kukaluoy nga gilubong sa Doña Maria Village (DMV) ang Bayabas-OLFA, 86-68 aron masakmit ang luna sa semis sa nagpadayong Brgy. Punta Princesa Inter-Sitio basketball tournament didto sa Vicente Sotto Memorial Complex, ning siyudad.

Ubos sa liderato ni playing-coach Sherwin Lequit, gibuntog sa DMV ang Bayabas pinaagi sa ilang fastbreak plays ug inside scoring aron paglansang og 15 puntos nga labaw sa halftime, 52-37.

Wala gyud makasikit ang Bayabas sa tibuok duwa nga kanunay gibiyaan og double digits.

Uban sa nindot nga dagan sa ilang opensa, mao ang makatuok nga depensa nga gipatuman sa DMV aron masakmit nila ang ikaduhang sunod-sunod nga daog sa playoffs.

Si Matoy Vallejo maoy top scorer sa DMV pinaagi sa iyang 22 puntos, gisundan ni Mendoza nga adunay 15 puntos.

Ang pilderong Bayabas gipangulohan ni Jescillo Gellaga, kinsa mipupo'g 29 puntos, gisundan ni Solis Seniño nga adunay 14 puntos.

Puntos Matag Usa

DMV (86) - Vallejo 22, Mendoza 15, Oliver 10, Paguntalan 9, Canencia 8, Marquida 6, Tabar 5, Lequit 4, Empenada 4, Canencia 3,

Bayabas (68) - Gellaga 29, Seniño 14, Lao 9, Barte 7, Ybañez 6, Mediano 3. – BANAT NEWS