Power Forty sugdan karon

CEBU, Philippines - Ang Power Forty summer basketball 2010 sugdan na karong gabii uban ang tulo ka duwa diha sa Talisay City Sports Complex.

Ang Water Market ug Precious Ellah maoy mag-abot sa unang duwa sa alas-6 sa gabii. Sundan sa UTASSCO ni Power Forty founder Atty. Flor Yosores batok sa Park ‘N Go Bakeshop sa alas 7:30 sa gabii.

Sa main game, magsangka ang Allyn and Sons batok sa F.E. Electrical Supply sa alas-9.

Matud pa ni Power Forty president Tony Navares nga ang duwa himuon sa matag adlaw'ng Martes ug Huwebes.   (BANATNEWS)