Klitschko milampos depensa sa bakus

CEBU, Philippines - Milampos si Vitali Klitschko sa pagpanalipod sa iyang WBC heavyweight title kini human niya gipatumba sa round 10 ang challenger nga si Albert Sosnowski sa Poland kagahapon didto sa Germany.

Ang Ukrainian nga si Klitschko mibuhi og makabungog nga left-right combination ngadto sa ulo ni Sosnowski kinsa misukarap sa nahibiling 2:30 sa round 10.

“I am very happy to have defended my title. I had really good preparation and was in top form,” matud pa ni Klitschko.

Si Klitshcko misaka karon sa record nga 42-2, 38KOs, samtang si Sosnowski nakahigagum sa ikaduha niyang pilde uban ang 45 ka daog.

Gi-asuy usab ni Klitschko nga sunod sa iyang listahan mao ang WBA title holder nga si David Haye ug ang higanteng si Nikolai Valuev. – BANAT NEWS